Nala hai bulbul shoridaa tra khaam abhi
In Urdu
نالہ ہے بلبل شوریدہ ترا خام ابھی
اپنے سینہ میں اسے اور ذرا تھام ابھی
پختہ ہوتی ہے اگر مصلحت اندیش ہو عقل
عشق ہو مصلحت اندیش تو ہے خام ابھی
بے خطر کود پڑا آتش نمرود میں عشق
عقل ہے محو تماشائے لب بام ابھی
عشق فرمودۂ قاصد سے سبک گام عمل
عقل سمجھی ہی نہیں معنئ پیغام ابھی
شیوۂ عشق ہے آزادی و دہر آشوبی
تو ہے زناریٔ بت خانۂ ایام ابھی
عذر پرہیز پہ کہتا ہے بگڑ کر ساقی
ہے ترے دل میں وہی کاوش انجام ابھی
سعئ پیہم ہے ترازوئے کم و کیف حیات
تیری میزاں ہے شمار سحر و شام ابھی
ابر نیساں یہ تنک بخشیٔ شبنم کب تک
میرے کہسار کے لالے ہیں تہی جام ابھی
بادہ گردان عجم وہ عربی میری شراب
مرے ساغر سے جھجکتے ہیں مے آشام ابھی
خبر اقبالؔ کی لائی ہے گلستاں سے نسیم
نو گرفتار پھڑکتا ہے تہہ دام ابھی
(Baang e Dara, Allama Iqbal)
In English Alphabets
nala hai bulbul shoridaa tra khaam abhi
apne seenah mein usay aur zara thaam abhi
pukhta hoti hai agar Maslehat andesh ho aqal
ishhq ho Maslehat andesh to hai khaam abhi
be khatar kood para aatish e namrud mein ishq
aqal hai mehv tamasha e lab baam abhi
ishq farmooda qasid se subak gaam amal
aqal samjhi hi nahi maanai pegham abhi
Shewa ishhq hai azadi o deher aashobi
to hai Zanarai buut khanah ayyaam abhi
izr parhaiz pay kehta hai baggar kar saqi
hai tre dil mein wohi kawish injaam abhi
Saai pihm hai Taraazo e kam o Kaif hayaat
teri Mezaan hai shumaar sehar o shaam abhi
abr Nesaan yeh tunak Bakhshi shabnam kab tak
mere kuhsaar ke lale hain tehi jaam abhi
baadah gardaan ajm woh arabi meri sharaab
marey saghar se jhijakte hain me aasham abhi
khabar اIQBAL ki layi hai gulisitan se Naseem
no girftar parakta hai teh daam abhi
0 Comments