Teri nigah faromaya, haath hai kotah, Allama Iqbal - Bal e Jibreel

Teri nigah faromaya, haath hai kotah

In Urdu

تری نگاہ فرومایہ، ہاتھ ہے کوتاہ 

ترا گنہ کہ نخیل بلند کا ہے گناہ

نگاہ فرومايہ:  دور رس نہ ہونے والی نگاہ

نخيل: درخت

گلا تو گھونٹ دیا اہل مدرسہ نے ترا 

کہاں سے آئے صدا 'لا الہ الا اللہ

خودی میں گم ہے خدائی، تلاش کر غافل 

یہی ہے تیرے لیے اب صلاح کار کی راہ

حدیثِ دل کسی درویش بے گلیم سے پوچھ 

خدا کرے تجھے تیرے مقام سے آگاہ

برہنہ سر ہے تو عزم بلند پیدا کر 

یہاں فقط سر شاہیں کے واسطے ہے کلاہ

نہ ہے ستارے کی گردش، نہ بازی افلاک 

خودی کی موت ہے تیرا زوال نعمت و جاہ

اٹھا میں مدرسہ و خانقاہ سے غم ناک 

نہ زندگی، نہ محبت، نہ معرفت، نہ نگاہ

(Bal e Jibreel, Allama Iqbal)                                                         

In English Alphabets

Teri nigah faromaya, haath hai kotah
Tera gina ke Nakheel buland ka hai gunah


Gala to ghoont diya ahal e madrassa ne tera
Kahan se aaye sada' laa ala ila Allah '


Khudi mein gum hai khudai, talaash kar ghaafil !
Yahi hai tairay liye ab Salah car ki raah


Hadees dil kisi darwaish be Galim se pooch
khuda kere tujhe tairay maqam se aagah


Burhenapa sir hai to azm buland peda kar
Yahan faqat sir shahin ke wastay hai kullah

Nah hai setaaray ki gardish, nah baazi aflaaq
Khudi ki mout hai tera zawaal Nemat o Jah

Utha mein madrassa o khanqah se gham naak
Nah zindagi, nah mohabbat, nah Maarfat , nah nigah